Tag Archives: Sony TV

CID : The case of the mysterious blood – Part 2

(..continued from CID : Part 1)

Abhijeet : Sir, maine pata kar liya hai. Is shahar mein, is tarah ke DNA waale suvar, ek IT park ke aas paas ke ilaake mein milte hain.

Daya : Ek aur baat pata chala hai sir. Is prajaati ke suvar paanch-dus generation se usi ilaake mein reh rahe hain. Wahaan kuch zyaada khana nahi milta. Is liye woh sirf carbon paper, newspaper etc khaane ke liye adapt ho gaye hain.

Fredricks : Haan sir. Maine aisi baat Discovery channel pe bhi dekhi thi!

ACP : IT park?! Kuch to gadbad hai Daya, Kuch to gadbad hai.. Pata lagao us ladki ka pati kya kaam karta tha.. Mujhe lagta hai wo ek kasai tha.. aur suvar ko jaan se marna uska roz ka kaam tha.. par woh IT park waale suvar ko hi kyun maarne laga?

Daya finds out that the Lady’s husband is a Software Engineer working in the same IT park!!

Daya : Sir woh to kasai nahi, Software engineer nikla!

Abhijeet : Daya, aaj kal kasai bhi Software Engineer ban ne lage hain..

ACP : Are wah! Ab kuch samajh mein aa raha hai.. Shaayad us Engineer ko suvar khaane ka bahut shauk tha. Isi liye, mauka dekhte hi, usne apne hi office ke nazdeek waale suvar ka kidnap karke, usko jaan se maar di!

Fredricks : Sir, par suvar to har hotel main milta hai.. Aur agar wahi baat thi, to ab tak woh Engineer gumshuda nahi hota..

ACP : Fredricks, kabhi kabhi tum bhi akal ki baat karte ho..

Daya : Sir, mujhe lagta hai, woh suvar, is Engineer ke baare mein kuch raaz ki baat jaanta tha..

Abhijeet : Daya, abhi thodi der pehle tumne kaha ki suvar sirf paper khaata tha? Main samajh gaya sir.. Us Engineer ke paas uch aisa confidential paper tha, jo kisiko pata nahi chalna chahiye tha…

ACP : …aur woh paper galti se kachre mein chala gaya, jise suvar ne kha liya. Jab ise pata chala ki woh paper, suvar ke pet main hai, to usne suvar ka khoon karke paper nikaal liya, par khoon ko pochna bhool gaya!!

ACP : Daya, Mujrim chahe kitna bhi shaatir ho, ek na ek suraag zaroor chod jaata hai..

Fredricks : Kya baat hai Abhijeet! Tumhe to medal milna chahiye..

ACP : Mazak band karo! Daya, us IT company mein jaake us Engineer ka golmal pata lagao.. humare paas waqt bahut kam hai! Episode khatam hone ko bahut kam time hai.. Abhijeet tum us suvar ke laash ka pata lagao.. mujrim ko pakadne ke liye saboot to chahiye!

Abhijeet successfully finds the dead body in the municipality garbage and Daya comes running to ACP.

Daya : Sir, maine us Engineer ka Computer, Hard disk, mouse, mouse pad, keyboard, printer aur monitor seize kar liya hai.. Usne apni company ka lakhonka gafla iya hai sir. Sabhi details is pen drive mein hai sir..

ACP : Abhijeet, us pen drive ko lagao.. Abhi doodh ka doodh aur pani ka pani ho jayega! (looking at monitor) Are, yeh to bahut baDa fraud lagta hai..

Fredricks : Lagta hai hum sabki increment pakki..

Abhijeet : Ab sirf us qaatil ko dhoondna baaki hai sir.. Daya, chalo us ghar ke watchman se ugalwaate hain..

The troop goes to watchman of the house.

ACP : Batao, woh khooni kahaan hai?

Watchman : Main kuch nahi jaanta saab..

Abhjeet : Yeh aise nahi maanega.. Jab Daya ka haath padta hai toh muh se piano bajne lagta hai. Kya?

Daya gives a tight slap and watchman reveals the truth and Engineer is caught.

ACP(to culprit) : Sharam nahi aati tujhe, ek naadaan suvar ko maar diya.. tumhe to fansi honi chahiye.. ab sadte rahena jail me.. fansi ka order aane tak!

And yet another case solved successfully by the Great CID!!